E KUNDËRTA E TRUPIT
Robin Ekiss [ ShBA ]
Për fytyrën në përgjithësi,
le t’themi se është shtëpi e ndërtuar
nga burrat dhe e banuar
nga ëndrrat e tyre.
Derisa t’kesh mbledhur sy
nga dyshemeja për aq kohë
sa e kam bërë unë,
do ta shohësh, ashtu siç
do kuptosh dhe durimin
që kërkohet
për t’u ngjallur një vetullë,
gjysmë ore, do kesh dhe
kuptimin e arkitekturës.
Kur sheh trupin tënd mendo
të kundërtën e tij: jo urën,
por fytyrën e ndritur të urës
që pasqyrohet në ujë, një qytet
tjetër, siç shihet nga një anije –
balli yt, dikur me peshë,
tani i lehtë si ombrellë –
ende jo aq i bukur sa
për ta ndalur kohën.
Kënaqësia e të qënit femër
është të diturit se gjithçka
është e huazuar
dhe s’mund të mohohet,
siç kur e çmonton një orë,
gjithmonë ka një tjetër brendësi.
– – –
© 2009 R. Ekiss – Burimi: The Mansion of Happiness, 2009 – via Poetry Foundation, ShBA
© për përkthimin S. Guraziu – Ars Poetica, 2019